From Curye on Inglysch. Part IV: Forme of Cury (14th century).

Take … ounces of kanel & galinga, greyns de paris, and a lytel peper, & make poudur, & temper hit wyt god wyte wyne & [th]e [th]rid perte hony & ryne hit [th]orow a clo[th]. in [th]e same manere of ale, but take viii galones of god stale ale to on galon of hony ipurede clene, & boyle iii galonus of ale wyt [th]o hony. Or hit bygyne to boyle, do in [th]i spicery; sethyt fro [th]o fyre & styre hit soft & let hit cole, & ryne hit [th]orow a wyde bultyng clo[th]. Do hit in a clene vessel to [th]o ale, & do gode berme aboue, & hange in a cloute [th]ispyceri in [th]e ale & kouore hit wel, & wene hit is fourtene nyte holde, drynke [th]ereof.